- E-Library
- E-university
- Distance learning
- Schedule of lessons
- For international students
- Scholarships and grants
- Student Services Center
- Street Law
- Academic mobility
- Foreign academics
- Trainings and non-degree programs
- Clubs and clubs, workshops and festivals
- Ask a Question
- Ways to fight corruption
- Educational grants
- Toshkent davlat yuridik universitetida kiyinish tartibi
Current students
Digest of events and projects, masterclasses, and offline classes conducted by teachers and staff of Tashkent State University of Law
O‘zbekiston Respublikasi Prezidentining 2020-yil 3-dekabrdagi “Iqtidorli yoshlarni saralab olish tizimi va faoliyatini takomillashtirish chora-tadbirlari to‘g‘risida”gi PQ-4910-son qarorida ko‘zda tutilgan vazifalar ijrosini ta’minlash maqsadida Toshkent davlat yuridik universiteti bilan hamkorlikda bir qator ishlar amalga oshirilmoqda.
Jumladan, TDYU huzuridagi M.S.Vosiqova nomidagi akademik litseyda ingliz tili fanidan “Law and Society” mavzusida Toshkent davlat yuridik universiteti Xorijiy tillar kafedrasi dotsenti vazifasini bajaruvchi Umida Xaydarova tomonidan mahorat darsi tashkil etildi.
Mashg‘ulot davomida o‘quvchilarning til ko‘nikmalarini rivojlantirishga alohida e’tibor qaratilib, huquqiy mavzular asosida so‘z boyligini kengaytirish, og‘zaki nutqni rivojlantirish, fikrni mantiqiy va asosli bayon etish ko‘nikmalari shakllantirildi. Interaktiv muhokamalar, savol-javoblar va amaliy vaziyatlar orqali tinglab tushunish hamda tanqidiy fikrlash kompetensiyalari mustahkamlandi.
***
Toshkent davlat yuridik universiteti professor-o‘qituvchilari tomonidan Germaniyaning Regensburg universiteti yuridik fakulteti talabalari uchun “Raqamli asrda ta’lim oluvchilarning vaqtni boshqarish kompetensiyalariga smartfonlarning ta’siri” mavzusida mahorat darsi o‘tkazildi. Professor Mixaela Trenner-Xaberkorn bilan hamkorlikda tashkil etilgan mashg‘ulotni TDYU Xorijiy tillar sho‘basi professori v.b. Sarvar Akobirova, kafedra dotsenti v.b. Muyassarxon Baxriddinova hamda Huquq, jamiyat va madaniyat sho‘basi professori Minavvarxon Yunusova olib bordi. Mahorat darsida smartfon va raqamli qurilmalarning ta’lim jarayoni, diqqatni jamlash, rejalashtirish va vaqtni oqilona taqsimlashga ta’siri, zamonaviy vaqtni boshqarish usullari, raqamli intizomni shakllantirish, o‘quv jarayonida texnologiyalardan unumli foydalanish masalalari muhokama qilindi.
***
Xalqaro huquq va inson huquqlari kafedrasi o‘qituvchilari O. Saidov, Sh. Abdussatorov hamda A. Mo‘minov tashabbusi bilan Xalqaro huquq va qiyosiy huquqshunoslik fakulteti talabalari uchun mahorat darsi tashkil etildi. Mashg‘ulotni Marmara universiteti professori Can Yoney olib bordi. Mahorat darsida xalqaro ommaviy huquq va xalqaro xususiy huquq sohalaridagi dolzarb masalalar, ushbu yo‘nalishlarda ko‘p yillik amaliy tajriba, shuningdek, Turkiya Respublikasi va Markaziy Osiyo davlatlari o‘rtasidagi hamkorlik hamda ularning xalqaro munosabatlardagi o‘rni va roli yuzasidan atroflicha fikr almashildi.
***
Toshkent davlat yuridik universiteti “Karyera” klubi tomonidan talabalarning xorijiy oliy ta’lim muassasalarida tahsil olish imkoniyatlarini kengaytirish maqsadida “TOP universitetlarga grant yutish sirlari” mavzusida mahorat darsi tashkil etildi. Mashg‘ulotni TDYU o‘qituvchisi va PhD tadqiqotchisi, Sidney universiteti magistratura bitiruvchisi, ko‘plab xalqaro grantlar sohibasi hamda 20 ga yaqin davlatlarda xalqaro tajribaga ega mutaxassis Munisa Rayimova olib bordi.
Mahorat darsi davomida ishtirokchilarga nufuzli xorijiy universitetlarga grant topish va ularga to‘g‘ri ariza topshirish tartibi, kuchli motivatsion xat yozish bo‘yicha amaliy tavsiyalar, suhbat jarayonida o‘zini munosib tarzda namoyon etish usullari hamda muvaffaqiyatli stipendiatlarning real tajriba va maslahatlari taqdim etildi.
Load More Post...