Universitet Ta'lim Ilmiy-innovatsion faoliyat
Xalqaro faoliyat Talabalar hayoti Qabul 2023 SDG
Oʼzbekcha
English Русский
Network error!

“TSUL Legal Report” xalqaro elektron ilmiy jurnaliga maqolalar qabuli boshlandi

“TSUL Legal Report” xalqaro elektron ilmiy jurnalining navbatdagi soni uchun maqolalar qabul qilinmoqda. Hozirgi vaqtda jurnal tahrir hay’ati va taqrizchilari Skopus talablariga muvofiq hududiy jihatdan turli joylardan shakllantirilgan. Har bir maqola uchun DOI raqamlari universitet hisobidan taqdim etiladi va CrossRef bazasiga joylashtiriladi.

Jurnalga taqdim etiladigan maqolalarga qo‘yiladigan talablar:

– maqolalar ingliz tilida elektron shaklda yuborilishi lozim;
– maqola yo‘nalishiga oid dolzarb mavzularda, ilmiy tahlil va tugallangan fikrlarga asoslangan, savodli tahrir qilingan, amaliy taklif va tavsiyalar bilan taqdim etilishi zarur;
– maqolalarda berilgan ma’lumotlar ilmiy jihatdan yangi va takrorlanmagan bo‘lishi lozim, ko‘chirmachilik (plagiat) aniqlangan holatda maqola qabul qilinmaydi;
– ilmiy maqola soha mutaxassisi tomonidan ko‘rib chiqilgan bo‘lishi va taqriz bilan birga topshirilishi lozim;
– maqolada muallif(lar)ning elektron pochta va telefon raqami ko‘rsatilishi kerak.

Taqdim etilgan maqolalar jurnal tahrir hay’ati va taqrizchilar tomonidan ko‘rib chiqiladi hamda ko‘rib chiqish natijalariga ko‘ra nashrga tavsiya etiladi.

Ko‘rsatilgan muddatdan kechikib taqdim etilgan, belgilangan tartibda rasmiylashtirilmagan, mavzusi va yo‘nalishlari mos kelmaydigan maqolalar tahrir hay’ati tomonidan ko‘rib chiqilmaydi.

Ilmiy maqola matnini lawjournal@tsul.uz pochta manzili yoki Tahririy-nashriyot bo‘limining (94) 438-08-99 telegram raqamiga yuborish lozim.

Maqolalar 2023-yil 25-yanvardan 6-fevralga qadar qabul qilinadi.

Eslatma: tahririyatga kelib tushgan maqolalar soni joriy son uchun yetarli bo‘lganda, maqola qabul qilish to‘xtatiladi.

Muallif maqolada keltirilgan dalil va ma’lumotlar uchun shaxsan javobgar hisoblanadi.

Qo‘shimcha ma’lumotlarni Tahririy-nashriyot bo‘limining Telegram ijtimoiy tarmog‘idagi mazkur rasmiy kanalidan olishingiz mumkin – https://t.me/tdyutnb

Kordinator:
Orifjon Choriyev, TDYU Tahririy-nashriyot bo‘limi boshlig‘i.
Ma’lumot uchun telefon raqamlari: +998 71 233-66-36. (1169)
E-mail: lawjournal@tsul.uz