Shiorimiz: Tezkorlik, ochiqlik va aniqlik!
Toshkent davlat yuridik universiteti Jamoatchilik va OAV bilan aloqalar bo‘limi O‘zbekiston Respublikasi Prezidentining 2020-yil 29-apreldagi PF–5987-sonli «O‘zbekiston Respublikasida yuridik ta’lim va fanni tubdan takomillashtirish bo‘yicha qo‘shimcha chora-tadbirlar to‘g‘risida»gi Farmoni hamda O‘zbekiston Respublikasi adliya vazirining 2020-yil 21-oktabrdagi 194-um-sonli «O‘zbekiston Respublikasi adliya vazirining 2020-yil 27-maydagi “Toshkent davlat yuridik universiteti boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlarini tasdiqlash to‘g‘risida”gi 92-um-son buyrug‘iga o‘zgartirish kiritish haqida»gi buyrug‘iga muvofiq tashkil etilgan.
Bizning maqsadimiz:
Universitet hayotida ro‘y berayotgan jarayonlar va yangiliklar haqida jamoatchilik hamda ommaviy axborot vositalarini o‘z vaqtida, tezkor va aniq xabardor qilish, universitetning ijobiy imijini shakllantirish, uning faoliyati yuzasidan jamoatchilik fikrini o‘rganish hamda universitetning xalqaro reytinglarda yuqori o‘rinlarni egallashiga ko‘maklashish.
Bizning vazifalarimiz:
Universitet faoliyati haqida jamoatchilikka to‘liq, xolis va tezkor axborot taqdim etib borish.
Universitetning ijobiy imijini shakllantirish va uning faoliyati yuzasidan jamoatchilik fikrini o‘rganish.
Axborot makonini muntazam monitoring qilish va tahlil etish, tanqidiy mazmundagi hamda keng muhokamalarga sabab bo‘layotgan axborotlarga tezkor munosabat bildirish.
Universitet rahbariyatining ommaviy axborot vositalaridagi chiqishlarini muntazam tashkil etish.
Universitet faoliyatiga oid matnli, foto-, audio- va videomateriallardan iborat ma’lumotlar bazasini shakllantirish va muntazam yangilab borish.
Bizning loyihalarimiz:
“TSUL SMM” — yosh jurnalistlar va blogerlar klubi.
“The TOP” — intervyu va ko‘rsatuvlar loyihasi.
“TSUL 24” — universitetning korporativ telekanali.
“TSUL Creative Studio” — talabalarga grafik muharrirlar bilan ishlash va turli taqdimotlar yaratish ko‘nikmalarini o‘rgatishga yo‘naltirilgan klub.