Universitet Ta'lim Ilmiy-innovatsion faoliyat
Xalqaro faoliyat Talabalar hayoti Qabul 2023 SDG
Oʼzbekcha
English Русский
Network error!

Toshkent davlat yuridik universiteti jamoasi tomonidan Yunusobod tumanidagi “Islomobod”, “Qashqar”, “Xusniobod”, “Buyukto‘ron”, “Mirzo Ulug‘bek”, “Firdavsiy”, “Turkqo‘rg‘on”, “Ustashirin”, “Astrobod” mahallari hamda ushbu hududda joylashgan 7 ta umumiy o‘rta ta’lim maktabida yoshlar bilan “mahallabay” ishlash tizimi asosida qator ishlar amalga oshirilmoqda.



— Xususan, mahallalarning pasporti shakllantirilib, yoshlarga oid ma’lumotlar bazasi shakllantirildi. Ma’lumotlarga ko‘ra, ushbu hududda 5696 nafar yigit-qiz istiqomat qilayotgan bo‘lsa, ularning 20 nafari “Temir daftar”ga, 20 nafari “Yoshlar daftari”ga, 106 nafari “Ayollar daftari”ga kiritilgan. 


— Mahalla fuqarolar yig‘inlari bilan hamkorlikda yoshlarning san’at, sport, axborot texnologiyalari, kitobxonlik, ilm-fan, tadbirkorlikka keng jalb etish, qiziqishini oshirish va bu borada zarur ko‘nikmalarni berish maqsadida 20 dan ortiq reja-grafik tasdiqlandi.


— Mahallalarda universitet xodimlari va professor-o‘qituvchilar tomonidan uyushmagan yoshlar bilan ishlash, ularning bandligini ta’minlash va munosib sharoitlar yaratish maqsadida qator loyihalar amaliyotga tatbiq etilmoqda. 


— “Islomobod”, “Firdavsiy”, “Ustashirin” mahallalarida yoshlar uchun 6 ta tadbirkorlik kurslari tashkil etildi. 


— Kam ta’minlangan va ijtimoiy himoyaga muhtoj 56 ta oila holidan xabar olinib, ehtiyojmand oilalarga oziq-ovqat mahsulotlari, maishiy texnika vositalari va ularning farzandlari uchun zarur konselyariya mahsulotlari va o‘yinchoqlar taqdim etildi. 


— Mahallalardagi o‘rganishlar mobaynida yoshlar tomonidan bildirilgan 45 ta murojaatning 23 tasi ijobiy hal etildi. 


— 9 ta mahallaning barchasida ingliz tili kurslarini tashkil etilmoqda.


— Barcha mahalla fuqarolar yig‘inlari binolarida yoshlar uchun Wi-Fi zonalarini tashkil etildi. 


— Uyushmagan yoshlar ro‘yxatiga kiritilgan 16 nafar yigit-qiz bilan alohida muloqotlar tashkil etilib, hozirga qadar ularning 9 nafariga moddiy va amaliy yordam ko‘rsatildi.


— Fuqarolarning huquqiy ongi va madaniyatini yuksaltirish, ularni o‘ylantirayotgan huquqiy masalalarga yechim topish hamda amaliy-huquqiy ko‘mak berish maqsadida universitet Yuridik klinikasining sayyor qabullarini tashkil etish bo‘yicha reja-grafik tasdiqlandi va tegishli huquqiy maslahatlar berish tizimi yo‘lga qo‘yildi.


— 3 ta mahalla fuqarolar yig‘inida turli sport turlari bo‘yicha musobaqalar tashkil etilib, g‘oliblar munosib rag‘batlantirildi. Shuningdek, barcha mahallalarda futbol jamoalarini shakllantirib, ular o‘rtasida “Rektor kubogi” musobaqalarini tashkil etish rejalashtirilgan.


— Mahalla yoshlarining sport bilan shug‘ullanishi uchun keng imkoniyat yaratish maqsadida ularning universitet sport majmuasidan foydalanishi uchun reja-grafiklar tasdiqlandi.


— Yoshlari o‘rtasida kitobxonlikni keng targ‘ib qilish maqsadida mahallalarda “Toshkent davlat yuridik universiteti kutubxonalari” tashkil etildi. Mazkur kutubxonalarga ikki mingga yaqin yuridik va badiiy adabiyotlar taqdim etildi.




So`ngi yangiliklar

Barcha yangiliklar

Hodisalar

Barcha e'lonlar